“Реал” собиқ дарвозабони Сантьяго Канисарес “Манчестер Юнайтед” голкипери Давид Де Хеа “Қироллик клуби”да тўп суриш учун керакли барча сифатларга эга эканини айтиб ўтди. Эслатиб ўтамиз, Икер Касильяс “Реал”дан “Порту”га кўчиб ўтгач “МЮ” посбони мадридликларнинг энг асосий трансфер нишонига айланганди.

- “Сантьяго Бернабеу” ўйингоҳининг дарвозалари ўлчами бошқа шаҳарлардаги стадионларники билан бир хил, лекин кўплаб дарвозабонлар уларни каттароқ деб ўйлаган, - дея Канисарес сўзларини келтиради Daily Star га асосланиб “СЭ” нашри. – Бу ерда маҳоратнинг ўзи камлик қилади. Кўп нарса руҳиятга ҳам боғлиқ. Касильяс кўп йиллар давомида кўрсатган ажойиб ўйиннинг сабаби ҳам шунда. Де Хеага “Реал”да осон бўладими? Ҳеч қачон ундай бўлмайди. Лекин Давидда тажриба, маҳорат ва энг муҳими – руҳият бор. 

- “Олд Траффорд”даги илк кунлар у учун осон кечмади, аммо у янги футболга мослаша олди. Қийинчиликларни енгиб ўтди ва ҳақиқий юлдузга айланди.