Хабарингиз бор, Руслан Корян "Локомотив" клубини тарк этди ва Россиянинг «Луч Энергия» жамоаси билан шартнома имзолади. Арманистон терма жамоаси футболчиси news.am сайти мухбирига берган интервьюсида "Локо"дан кетиш сабаблари ҳақида тўхталиб ўтди.

— Руслан, нима учун «Луч Энергия»га қайтишга қарор қилдингиз?
— Олдимда бир нечта вариантлар бор эди. Аммо Владивостокда менга нисбатан барчанинг — раҳбарият, мураббийлар, мухлисларнинг муносабати қароримга таъсир кўрсатмай қолмади. Мухлислар кеча мени хурсандчилик билан кутиб олишди. Мен буни қадрлайман. Бу мен учун катта аҳамиятга эга.

— Нима учун «Локомотив»дан кетишга қарор қилдингиз?
— «Локомотив» ҳаётимдаги алоҳида тарих. Ярим йиллик ҳамкорлик учун бу клубга миннатдорчилик билдираман. Жамоа Осиё чемпионлар лигасида гуруҳдан чиқа олмаганидан кейин кетишга қарор қилдим. Бу фақат менинг қарорим.

— У ерда сизга нимадир ёқмадими?
— Менга у ерда ҳеч нарса ёқмади. Шу боис бу саволни жавобсиз қолдираман.