Дортмунднинг "Боруссия" клуби ҳужумчи Чиро Иммобилени сотиб олиб адашган. Клуб директори Ханс-Иоахим Ватцке шу фикрда.
"Бу трансфер омадсиз чиққанини биринчи бор сезиб турибмиз. Бу ҳаммада ҳам содир бўлиб туради, аммо биз бу муаммони ҳал қилдик", - дейди Ватцке.
Иммобиле ўтган мавсумда "Торино"дан 19 миллион евро эвазига "Боруссия"га ўтган эди. 24 ёшли футболчи бундеслиганинг 24 учрашувида 3 гол урган ва 1 голли узатма оширган. Иммобиленинг дортмундликлар билан шартномаси 2019 йилнинг 30 июнигача тузилган ва янги мавсумни "Севилья"да ижарада бошлайди.
