“ПСЖ” ҳужумчиси Златан Иброҳимович “Манчестер Юнайтед” ярим ҳимоячиси Анхель Ди Мариянинг Париж клубига ўтаётгани ҳақида тарқалган хабарларга муносабат билдирди.
“Унинг таркибимизга келаётганидан хурсандман, Анхель жамоамизни кучайтиради. Ди Мария билан “ПСЖ” яна ҳам кучли жамоага айланади.
Менинг келажагим ҳақидаги гап-сўзларга келсак, келаси мавсумда ҳам “ПСЖ”да қоламан, бу ердаги шароитлар мени қониқтираяпти”, – дея Златан сўзларини келтиради Sports.ru.