Тошкетнинг “Локомотив” футзал жамоаси клублар ўртасидаги Осиё чемпионатида иштирок этиш 28 июль куни Эронга йўл олади, бу ҳақида клуб расмий сайхти маълум қилди.
Футзал бўйича клублар ўртасидаги Осиё чемпионатига бу йил Эроннинг Исфаҳон шаҳри мезбонлик қилади. “Локомотив” ушбу чемпионатда Ўзбекистоннинг ўтган йилги чемпиони сифатида иштирок этади.
Мусобақа 31 июль – 7 август саналарида бўлиб ўтади. Қуръа натижаларига кўра “Локомотив” ф“В” гуруҳидан ўрин олган. Ушбу гуруҳда Тошкент жамоасига Япониянинг “Нагойя Оушенз” ҳамда Қирғизистоннинг “МФС Эмгек” жамоасилари қаршилик қилади.
Таъкидлаш керакки, “Нагойя Оушенз” ушбу мусобақанинг амалдаги чемпиони ҳисобланади.
Қуйида “Локомотив”нинг Осиё чемпионатига борадиган футзалчилари рўйхатини келтириб ўтамиз.
Акмал Ҳазратқулов (дарвозабон); Фарҳод Мираҳмедов, Сарвар Шоаҳмедов, Тоҳир Абдураззоқов, Феруз Фахриддинов, Искандар Холмаджонов, Шокир Ходиев, Шуҳрат Аҳмедов, Александр Шин, Орифхўжа Акбархўжаев, Илҳомбой Шарипов, Санжар Зиёхонов, Ойбек Полвонов.
