“Реал” россиялик ярим ҳимоячи Денис Черишев трансферини 20 миллион еврога баҳоламоқда, деб хабар тарқатган Goal.com га асосланиб Спорт Экспресс.
Мадридликлар 24 ёшли футболчи бўйича мўмай маблағ таклиф қилинмагунича Денисни сотмоқчи эмас.
Аввал ОАВда Асьер Ильяраменди, Лукас Силва ва ҳимоячи Фабио Коэнтрау бошқа жамоаларга йўл олишганидан кейин “Қироллик клуби”нинг 2015/16-йилги мавсумда Черишев хизматларидан фойдаланишга қарор қилгани ҳақида хабарлар тарқалганди.
Ўтган мавсумни Черишев ижара асосида “Вильярреал”да ўтказганди. “Сариқ сув ости кемаси” таркибида ярим ҳимоячи 40 та ўйин ўтказган ва 7 гол ва 9 натижали узатма муаллифи бўлганди. Янги мавсумда ўйинчи ҳали “Реал” таркибида учрашув ўтказиб улгурмади.
