Николас Мадуро қамоқда бўлишига қарамай, футбол янгиликларини кузатишда давом этмоқда.
Венесуэла президенти 3 январь куни АҚШ махсус кучлари томонидан қўлга олиниб, мамлакатдан олиб чиқиб кетилган эди. У ҳозирда Бруклиндаги дастлабки тергов ҳибсхонасида бўлиб, гиёҳванд моддалар ва қурол-яроғ контрабандаси айбловлари бўйича судни кутмоқда.
Жанубий Америка давлати раҳбарининг ўғли Николас Мадуро Герра интервью бериб, отасининг қамоқдаги ҳаёти тафсилотлари билан ўртоқлашди. У, жумладан, катта Мадурога 14 апрель куни «Барселона»нинг Чемпионлар лигаси чорак финалида «Атлетико»дан мағлуб бўлиб, мусобақани тарк этгани ҳақидаги хабарни етказганини айтди.
«Лаънат бўлсин, бу жуда ёмон хабар», — дея муносабат билдирган ушбу маълумотга Николас Мадуро.
