«Барселона» Мадриднинг «Реал» клубига қарши баҳсга тайёргарлик кўрмоқда, унда каталонияликлар Ла Лига чемпионлигини муддатидан аввал расмийлаштиришлари мумкин. Учрашув 10 май куни «Камп Ноу» стадионида бўлиб ўтади.
Sport нашрининг хабарига кўра, бош мураббий Ханс-Дитер Флик асосий таркибда ҳам Роберт Левандовскини, ҳам Ферран Торресни туширишга тайёр, бироқ у польяк ҳужумчисига кўпроқ ишоняпти. Бунга Левандовскининг сўнгги икки ўйинда асосий таркибда майдонга тушиб, 1+1 (гол ва ассист) натижа қайд этгани сабаб бўлмоқда. Манбанинг таъкидлашича, «кўк-анорранглилар» устози «бузилмаган нарсани тузатма» мантиқига амал қилмоқда.
Чемпионат якунланишига тўрт тур қолганда «Барса» «Реал»дан 11 очко олдинда бормоқда. «эл- класико»даги ҳар қандай натижа — мағлубиятдан ташқари — каталонияликларни чемпионга айлантиради.
