«Barselona» Madridning «Real» klubiga qarshi bahsga tayyorgarlik ko‘rmoqda, unda kataloniyaliklar La Liga chempionligini muddatidan avval rasmiylashtirishlari mumkin. Uchrashuv 10 may kuni «Kamp Nou» stadionida bo‘lib o‘tadi.
Sport nashrining xabariga ko‘ra, bosh murabbiy Xans-Diter Flik asosiy tarkibda ham Robert Levandovskini, ham Ferran Torresni tushirishga tayyor, biroq u polyak hujumchisiga ko‘proq ishonyapti. Bunga Levandovskining so‘nggi ikki o‘yinda asosiy tarkibda maydonga tushib, 1+1 (gol va assist) natija qayd etgani sabab bo‘lmoqda. Manbaning ta’kidlashicha, «ko‘k-anorranglilar» ustozi «buzilmagan narsani tuzatma» mantiqiga amal qilmoqda.
Chempionat yakunlanishiga to‘rt tur qolganda «Barsa» «Real»dan 11 ochko oldinda bormoqda. «el- klasiko»dagi har qanday natija — mag‘lubiyatdan tashqari — kataloniyaliklarni chempionga aylantiradi.
