“Арсенал” Киевнинг “Динамо” клуби ярим ҳимоячиси Андрей Яромоленко трансфери учун бораётган курашга қўшилди, деб ёзмоқда TMW хабарига таяниб “СЭ”.
Хабарга кўра лондонликлар 25 ёшли украиналик ўйинчи трансфери учун 20 миллион евро тўлашга тайёр туришибди.
Аввал ярим ҳимоячи хизматларига “Барселона”, “Ливерпуль”, “Боруссия” Дортмунд, “Тоттенхэм”, “Вест Бромвич”, “Сток Сити”, “Эвертон” ва “Фиорентина” қизиқиш билдираётгани хабар қилинганди.
Шунингдек кеча Киев шаҳри жамоаси вице-президенти Игорь Суркис клубнинг Чемпионлар Лигасидаги муваффақиятли иштирокини таъминлаш мақсадида футболчини қўйиб юбормоқчи эмаслигини маълум қилганди.
Янги мавсум Украина чемпионатида Ярмоленко 5 та ўйин ўтказган ва 3 та гол киритган. Мамалакат кубоги доирасидаги учрашувда эса хет-трик қайд этган.
