Таниқли футбол мураббийи Арриго Сакки “Реал”ни бошқарадиган мутахассис қандай сифатларга эга бўлиши зарурлиги тўғрисида тўхталиб ўтди.

“Реал”да ишлаш учун мураббий вазиятга ўта мослашувчан, керак бўлса бироз ўзгарувчан характерли бўлиши зарур. Чунки сенинг ихтиёрингда ҳар доим ҳам бир-бирини тўлдира олмайдиган футболчилар бўлади.

Ўйлашимча, Анчелотти бундай шароит учун энг яхши мутахассис эди. Гвардиола “Реал”да ўзини кўрсата олмаган бўларди. У ерда ўйинчиларни ягона мақсад атрофида бирлаштириш осон иш эмас.

Мен “Реал” спорт диретори бўлиб ишлаган даврда ўйинчиларнинг руҳий тайёргарлиги ўта муҳим саналарди.  Бенитес қўл остида “Реал”нинг ўйин услуби ўзгардими, буни билмайман. Чунки мен уларнинг фақат битта ўйинини кузатдим. Тизим эмас, балки ўйиннинг ўзи муҳим.

Перес қайтганидан кейин “Севилья” нима учун “Реал”га нисбатан кўпроқ соврин ютди? Агар “Реал” фақат энг кучли футболчиларни харид қилаётган бўлса уларга нима етишмаяпти? Мен ҳамма вақт мураббийнинг ролини юқори қўяман. Бу худди режиссёр ва актёрлар каби – якуний муваффақият ҳамиша режиссёрга боғлиқ. Мен Переснинг ҳар доим ҳам мураббийлар фикрига қулоқ солади деб айтмаган бўлардим”, - дея sports.ru Сакки сўзларини келтиради.