Килиан Мбаппе "Реал" билан шартнома имзолаганидан сўнг катта бонус олади.
"Қироллик клуби" юлдуз форварднинг трансфери учун товон тўлаши шарт эмас, чунки у "ПСЖ"ни эркин агент сифатида тарк этади. Бироқ, одатда, бундай ҳолларда ўйинча катта шартнома бонусига эга бўлади. Инсайдер Фабрицио Романонинг сўзларига кўра, бу сумма 100 миллион евродан ошади, бироқ у беш йил давомида тўланади.
Мадриднинг “Реал” клуби Килиан Мбаппе билан шартнома имзолагани ҳақида 1 июнь куни “Боруссия Дортмунд”га қарши Чемпионлар лигаси финалидан сўнг эълон қилиши кутилмоқда.
