Хуан Мата "Манчестер Юнайтед" Криштиану Роналду билан Премьер-лигада ғалаба қозониши мумкинлигига ишонган эди. Испаниялик футболчи 2020/21 йилги мавсумдан сўнг нима учун клубни тарк этмаганини тушунтириб берди, бу мавсумда у Премер-лигада атиги 9 марта майдонга тушди.
"Клубдаги шунча йиллардан сўнг, агар "Юнайтед" Премьер-лигада ғалаба қозонганида дарҳол кетсам хафа бўлардим. Мен бу дақиқани ўтказиб юборишни хоҳламадим. "Олд Траффорд"да чемпионликни нишонлашни орзу қилардим.
Премьер-лигада яна ғалаба қозонишимиз мумкин деб ўйладим. Криштиану Роналду шунчалик юқори талабларга эга эдики, у ҳаммани юқорига кўтара оларди.
Мен ҳар доим 80-дақиқадан кейин ғалаба қозониш учун доимо унга тўп узатиш керак деб ўйлардим. У ҳар доим ҳал қилувчи дақиқаларда ўзини кўрсатди. Бироқ, унинг атрофидаги шароитлар иккинчи мавсумда кўпроқ ўйнашга тўсқинлик қилди.
Мен Криштиану билан кўп гаплашдим. У одамлар тасаввур қилганидан анча дўстона одам", деди манкунианликларнинг собиқ ярим ҳимоячиси.
