“Барселона” қишги трансфер вақтида жорий ёзда “Челси”га ўтиб кетган вингер Педро Родригеснинг ўрнига янги футболчи сотиб олади.
El Mundo Deportivo нашрига таяниб sports.ru сайтининг хабар беришича, каталонияликларнинг кенгайтирилган рўйхатидан “Сельта” хавбеги Нолитодан ташқари яна 10 нафар ўйинчи жой олган.
Булар – Карлос Вела (“Сосьедад”), Хесус Навас (“Манчестер Сити”), Тео Уолкотт (“Арсенал”), Антонио Кандрева (“Лацио”), Карим Бельараби (“Байер”), Доменико Берарди (“Сассуоло”), Рияд Марез (“Лестер”), Флориан Товен (“Ньюкасл”), Лассе Шене (“Аякс”) ва Софиан Фегули (“Валенсия”).
Эслатиб ўтамиз, ФИФАнинг “Барселона”га нисбатан янги ўйинчиларни рўйхатдан ўтказиш бўйича қўллаган таъқиқи январда ўз кучини йўқотади.