Аргентинанинг "Бока Хуниорс" клуби бош мураббийи Родольфо Арруабаррена ёзги трансферлар вақтида жамоага қайтиб келган Карлос Тевесдан якшанба куни бўладиган азалий рақиби "Ривер Плейт"га қарши учрашувда ҳал қилувчи ролни ўйнашига умид қилмоқда. Тевес Аргентинага қайтиб келганидан сўнг илк дақиқаларданоқ ҳимоячиларга катта ташвиш туғдириб келмоқда.
31 ёшли ҳужумчи 2004 йилдан бери илк марта "Ривер Плейт"га қарши майдонга тушади.
- Тевес ўзига хос характерга эга футболчи. У биз учун жуда керак, - дейди Арруабаррена ўйин олди матбуот анжуманида журналистларга. - Шундай тажрибага эга футболчи биз учун муҳим.
Ҳозирча мураббий бу учрашувда майдонга тушадиган таркибни маълум қилмаган, аммо тахминларга кўра, Тевес дастлабки дақиқалардан майдонга тушади.
