“Наполи” собиқ ярим ҳимоячиси ва Аргентина футболи афсонаси Диего Марадона Неаполь клуби амалдаги бош мураббийи Маурицио Сарри ҳақида мулоҳазалари билан ўртоқлашди.

“Саррини ҳурмат қиламан, аммо “Наполи” унинг бошқаруви остида ҳеч қандай соврин олмайди. Агар ихтиёр менинг қўлимда бўлганида ҳозир “Реал”да ишлаётган Бенитесни жамоада олиб қолган бўлардим. Агар у “Наполи”да яхши ишламаганида ҳозир Мадрид клуби бош мураббийига айланмаган бўларди.

Учта учрашувда икки очко олиш – бугун кунги “Наполи” учун қониқарли натижа. Жамоа ўшз ўйин услубига эга эмас, ҳимоядаги парокандалик билан эса узоққа бориб бўлмайди.

“Наполи” бу йилги мавсумни мусобақа жадвалининг ўрта қисмида якунлайди деб ўйлайман. Мени шундай шонли тарихга эга жамоанинг бу аҳволга тушиб қолгани ғазаблантирмоқда”, – дея Марадона сўзларини келтиради Football Italia га таяниб Sports.ru.