“Барселона” қишки трансферлар вақтида яна бир ярим ҳимоячини қўшиб олмоқчи. Бу ҳақда Sport.es га асосланиб Спорт Экспресс нашри хабар берган.

Хабарга кўра каталонияликлар раҳбариятининг ушбу қарорига бразилиялик ярим ҳимоячи Рафинья Алькантаранинг мавсум охиригача сафдан чиққани сабаб бўлган.

Бу йилги мавсумда Рафинья “кўк-анорранглилар” таркибида 6 ўйин ўтказган ва уларда 1 та гол киритганди.

Эслатиб ўтамиз, футболчи ЕЧЛ 1-тури “Рома” билан учрашув (1:1) вақтида Наингголан билан тўқнашув натижасида ўнг тиззаси хочсимон пайларини узиб юборганди.

Аввал “Барселона” раҳбариятининг оғир жароҳатга қарамай Рафинья билан шартнома муддатини узайтириши ҳақида хабарлар тарқалганди.