«Барселона» клуби собиқ бош мураббийи Хави Англия Премьер-лигасида фаолиятини давом эттириши мумкин. Independent нашри хабарига кўра, испаниялик мутахассис «Челси» бош мураббийлигига асосий номзодлардан бири бўлиб турибди.
Лондон клуби Лиам Росеньор билан хайрлашишга қарор қилгач, янги мураббий қидиришни бошлаган. Манбанинг таъкидлашича, «кўклар» раҳбариятига Хавининг ўйин услуби маъқул келмоқда. Бу услуб жамоанинг Энцо Мареска давридаги футбол фалсафасига яқин экани айтилмоқда.
Маълумот учун, Хави 2024 йилнинг ёзида «Барселона»ни тарк этганидан буён ишсиз юрибди.
Ҳозирда «Челси» ички чемпионатда муваффақиятсиз иштирок этмоқда. Жамоа АПЛнинг 35 туридан сўнг 48 очко жамғариб, турнир жадвалининг 9-поғонасини эгаллаб турибди ва Чемпионлар лигаси ҳудудидан ташқарида қолган.
