Франциянинг “Марсель” клуби ҳужумчиси Мичи Батшуайи Лондоннинг “Арсенал” клуби қизиқишлари доирасига кириб қолди. Бу иқтидор эгасига шахсан “канонирлар” бош мураббийи Арсен Венгер қизиқиш билдирмоқда.
Star Sunday нашрининг хабар беришича, Лондон клуби мураббийлар штаби айнан Мичини ҳужумчи Данни Уэлбекнинг ўрнини босишига умид қиляпти. Уэлбек жароҳати сабаб узоқ муддат майдонга туша олмайди.
Бельгиялик 21 ёшли футболчи қишки трансфер бозори чоғидаёқ “Арсенал” сафига келиб қўшилиши мумкин. Жорий мавсум Батшуайи “Марсель” таркибида 2та учрашув ўтказиб, 2та гол киритишга ва битта самарали тўп узатишини амалга оширишга муваффақ бўлди.
