“Манчестер Сити” раҳбарияти ўз эътиборини “Порту” ярим ҳимоячиси Хесус Коронага қаратган.

Бу ҳақда A Bola маълумотига таяниб Спорт Эеспресс нашри ахборот тарқатган. Хабарга кўра, “шаҳарликлар” скаутлари 22 ёшли мексикалик футболчини кузатиб боришаяпти.

Эслатиб ўтамиз, Корона “Порту”га Голландиянинг “Твенте” клубидан 10,5 миллион евро эвазига келган ва португал жамоаси билан беш йиллик шартнома имзолаганди. Келишувга мувофиқ футболчини сотиб олишни истаган клуб “Порту” ҳисоб рақамига 50 миллион евро товон пули ўтказиб бериши лозим.