“Марсель” ҳимоячиси Николя Н'Кулу қишги трансфер дарчаси вақтида “Челси”га кўчиб ўтиши мумкин. Бу ҳақида Championat.com ESPN FC га таяниб хабар тарқатди.
Маълум бўлишича, француз клуби 25 ёшли камерунлик футболчи учун 10 миллион евро талаб қиляпти. Аммо “аристократлар” ўйинчини арзонроққа қўлга киритишга умид боғлашган. Сабаби унинг “Марсель” билан тузган шартномаси 2016 йил ёзида якунига етади.
Маълумот учун. Н'Кулу жорий мавсум Франция чемпионатида бешта учрашувда иштирок этиб, битта сариқ карточка ишлаб олди.