“ПСЖ” ва Португалия терма жамоасининг собиқ ҳужумчиси Педру Паулета бошқа ўйинчилар унинг клуб ва терма жамоадаги тўпурарлик рекордларини янгилаётганидан хавотирда эмас.

Паулетанинг терма жамоадаги рекордини аллақачон Криштиану Роналду такрорлади, “ПСЖ”да эса бунга Златан Ибрагимович яқин турибди. 

“Рекордлар яна такрорлаш учун ўйлаб топилган, аммо мен бахтиёрман. Биз аллақандай ўйинчи ҳақида эмас, юксак салоҳиятга эга буюк ўйинчи – Ибрагимович ҳақида гапиряпмиз.

Ўтган йили терма жамоада энг кучли тўпурарлар пойгасидаги ўрнимни Роналду эгаллади.

Агар Ибрагимович ҳамда Роналду каби ўйинчилар сенинг натижангни такрорласа, сен бунга анча хотиржам тарзда муносабат билдирар экансан”, - дея Bombardir.ru Паулетанинг сўзларини келтиради.

Айни вақтда Златан Ибрагимовичнинг “ПСЖ”даги голлари 107 тани ташкил қилади. Паулета эса парижликлар таркибида 109 та гол урганди.