Россия чемпионатининг 10-турида бир йўла иккита марказий учрашув ўтказилди ва ҳар иккисида ҳам дуранг натижа қайд этилди. Москванинг “Спартак” клуби ўз майдонида Санкт-Петербургнинг “Зенти” жамоаси билан 2:2 ҳисобидаги жанговор дурангга имзо чекди.

Москва дербисида эса ЦСКА ва “Локомотив” клублари ўзаро тўқнаш келишди. Бу ўйин 1:1 ҳисобидаги дуранг билан якунланди. Иккала гол ҳам беш дақиқа оралиғида пенальтидан киритилди.

ЦСКА – “Локомотив” 1:1. Денисовда 74 дақиқа ва огоҳлантириш

Ҳамюртимиз Виталий Денисов “темирйўлчилар” сафида бошланғич таркибда майдонга тушди ва 74-дақиқада ўз ўрнини Логашовга бўшатиб берди. Боз устига 58-дақиқада сариқ карточка билан ҳам жазоланди. “Локомотив” сардори Ведран Чорлука иккинчи огоҳлантиришни олиб, 81-дақиқада майдондан четлатилди.

ЦСКА – ЛОКОМОТИВ 1:1

Голлар: 1:0 – 16, пенальти Думбия, 1:1 – 21, пенальти Ньяссе.

ЦСКА – Акинфеев, Набабкин, Березуцкий, Шенников (Миланов, 86), Игнашевич, Тошич, Вернблум, Загоев, Муса, Думбия, Панченко (Еременко, 74).

“Локомотив” – Гильерме, Пейчинович, ВИТАЛИЙ ДЕНИСОВ (Логашов, 74), Чорлука, Шишкин, Касаев (Майкон, 77), Тарасов, Коломейцев, Ндинга, Самедов, Ньяссе (Михалик, 86).

Огоҳлантиришлар: Загоев (37), ВИТАЛИЙ ДЕНИСОВ (58), Чорлука (65), Тошич (80).

Четлатиш: Чорлука (81).