Англиянинг "Манчестер Юнайтед" жамоаси қишки трансферлар вақтида Мадриднинг "Реал" клуби ярим ҳимоячиси Тони Кроосни ўз сафига қўшиб олишга уриниб кўради, дея хабар беради Fichajes.
Германиялик хавбек ҳозирда жамоанинг янги бош мураббийи Рафаэль Бенитес юритаётган сиёсатдан норози. Шу сабаб у қишда жамоани тарк этиши эҳтимоли бор. "Манчестер Юнайтед"да эса унинг терма жамоа ва "Бавария"даги собиқ жамоадоши Бастиан Швайнштайгер ҳаракат қилади.
Кроос ушбу мавсум "қироллик клуби" таркибида Испания чемпионати доирасида 5 та ва ЕЧЛда икки бор майдонга тушган.
