Футзал бўйича Ўзбекистон миллий терма жамоаси Алмати шаҳрида Европа чемпиони “Қайрат” клубига қарши илк ўртоқлик учрашувини ўтказди. Голларга бой бўлган ўйинда мезбонлар 5:3 ҳисобида зафар қучишди. Биринчи бўлимда кучлар тенг келганди – 2:2.

Терма жамоамиздан голларни Константин Свиридов, Андрей Шлема ва Фарҳод Абдумавлоновлар киритишди. “Қайрат” таркибида ўйин тақдирини бразилиялик футзалчилар ҳал қилишди. Же дублга эришган бўлса, Диваней, Алешандре ва Игорлар ўз ҳисобларига биттадан гол ёзиб қўйишди. Бугун “Зенит” (“Баганашил”) спорт мажмуасида иккинчи ўртоқлик ўйини ўтказилади.

“Қайрат” — Ўзбекистон мтж 5:3 (2:2)
Голлар: Же 8, 32, Игор 10, Диваней 27, Алешандре 36 — Свиридов 8-пенальти, Шлема 10, Абдумавлонов 33
Огоҳлантиришлар: Алешандре 12, Лукаян 35 — Свиридов 15
“Қайрат”: Янов, Гуров, Ронкальо — Жаманкулов, Жоан, Игор, Же, Лео, Алешандре, Лукаян, Диваней, Нургожин, Есенаманов
Ўзбекистон мтж: Умаров, Хазратқулов — Хошимов, Элибоев, Фахритдинов, Куралов, Ҳамроев, Раҳматов, Абдумавлонов, Шлема, Шарипов, Юнусов, Чориев, Свиридов, Аноров
Ҳакам: Космухамбетов, Валяев (иккиси ҳам Қозоғистон)
5 октябрь. Алмати. “Қайрат”. 500 томошабин.