“Барселона” трансферларга қўйилган таъқиқ муддати тугаши билан ҳужум чизиғини кучайтириш мақсадида янги харидларни амалга ошириши кутилмоқда.

Sports.ru нинг Каталониянинг Sport.es нашрига таяниб ёзишича, асосий трансфер “Сельта” ярим ҳимоячиси Нолито бўлади, аммо клуб раҳбарияти ушбу футболчининг нархини (24 миллион евро) бир оз қиммат деб ҳисобламоқда.

Шунингдек, “Барселона” бу борада заҳира вариантларига ҳам эга, улар орасида Дирк Кюйт (“Фейенорд”), Серхио Гарсия (“Ар-Райан”), Альваро Негредо (“Валенсия”) ҳамда Хонатан Сориано (“Ред Булл Зальцбург”) каби ўйинчилар борлиги хабарда қайд этилган.