“Боруссия” Дортмунд ҳужумчиси Пьер-Эмерик Обамеянг “Барселона” қизиқишлари доирасига тушиб қолди.
Каталония клуби мураббийлар штаби Бундеслигада бу йилги мавсум стартида 26 ёшли габонлик футболчининг сермаҳсул ўйини сабаб эътиборни унга қаратган, деб ёзмоқда El Mundo Deportivo хабарига асосланиб Sports.ru.
Испания газетаси хабарига кўра, “Барселона” Обамеянгни Лионель Месси, Неймар ва Луис Суарес ҳужум учлиги учун захира варианти сифатида сотиб олишни мўлжалламоқда.
Маълумот ўрнида: Обамеянгнинг “Боруссия” билан шартномаси 2020-йилгача мўлжалланган.
Германия Бундеслигаси 8 учрашувида форвард 10 та гол киритиб, 1 та натижали узатмани амалга оширган.
Обамеянг ушбу натижаси билан Аллофснинг рекордини такрорлади ва Германия чемпионатининг кетма-кет 10 та ўйинида гол киритди.
