Қанот ҳакамининг ўлимига сабаб бўлган беш нафар голландиялик ёш футболчиларнинг иши бўйича Голландия футбол Федерацияси тартиб-интизом қўмитаси қандай қарор чиқаргани маълум бўлди, деб хабар бермоқда Sports.ru.
Тўрт нафар футболчи умрбод Голландия футбол Федерацияси томонидан ўтказиладиган мусобақаларда иштирок этишдан четлатилди. Яна бир ўйинчи эса 5 йиллик дисквалификация билан жазоланди.
41 ёшли ҳакам Рихард Ньивенхейзен 2012 йилнинг декабрида “Ньив слотен” ва “Бейтенбой” жамоалари ўртасидаги учрашувдан сўнг 15-16 ёшдаги бир неча футболчи томонидан дўппосланган ва эртасига ҳаётдан кўз юмганди.
Ушбу йилнинг апрелида мазкур жиноий иш юзасидан суд жараёни якунига етган, шу сабабли тартиб-интизом қўмитаси ўз қарорини энди маълум қилди.
Ҳакамнинг ўлимига сабаб бўлган барча футболчилар турли муддатларга қамоқ жазоси тайинланди. Муштлашувда иштирок этган футболчилардан бирининг отаси эса 6 йилга озодликдан маҳрум қилинди.
