Олий лига 29-турида ўрин олган "Олмалиқ" ва "Бунёдкор" баҳсидан кейин ўтказилган матбуот анжуманининг биринчи қисмида "қалдирғочлар" раҳбари Бахтиёр Бобоев қатнашди дея хабар беради "Бунёдкор" расмий твиттери.
- Ўйинни яхши бошлаган эдик, 1-бўлимда қатор вазиятлар яратдик. Лекин атиги битта гол урдик. Иккинчи бўлимда ташаббусни рақибга бериб қўдик. Ўйинимиздан кўнглим тўлмаган бўлса-да, қайд этилган натижадан қониқдим.Бу йилги минимум вазифамиз 4-ўринни қўлга киритиб, ОЧЛ йўлланмасини қўлга киритиш эди. Буни бажардик. Мақсадларимиз улкан эди. Мени ҳурсанд қилган жиҳат шуки, бу йил ёшларимиз анча ўсишди. Тажрибалари ортди. Ўйлайманки, келаси йили "мева" беришади. Таркибда ёши катта ўйинчиларни ўйнатаётганимиздан мақсадимиз, уларнинг тажрибаларидан ёшлар фойдаланиб қолишидир, -дейди Бахтиёр Бобоев. XXIV миллий чемпионатимиз сўнгги турида "қалдирғочлар" ўз майдонида 20 ноябрь куни "Қўқон-1912" жамоасини қабул қилади.
