«Челси» аъзоси Сеск Фабрегас яна “Барселона”га қайтишни ва Луис Суарес билан бирга ўйнашни хоҳлашини айтиб ўтди.
- “Барселона”да фантастик футболчилар жамланган. Ҳужумдаги учлик ўйин тақдирини ҳал қила олади. Гарчи уларнинг бири Лео Месси ҳозир таркибда йўқ бўлса-да! Неймар ўсишга эришди. Суарес эса… Мен у билан “Барселона”да ўйнашни хоҳлардим. Унинг даражасидаги ҳужумчи билан майдонда бир-биримизни сўзсиз тушунамиз, дейди Фабрегас Goal нашрига берган интервьюсида.