“Интер” клуби президенти Эрик Тохир жамоасининг кейинги режалари ҳақида айтиб ўтди.
- “Интер” раҳбарлиги лавозимига келганимдан бошлаб, 3 йилдан сўнг “Интер” ЕЧЛнинг мунтазам иштирокчисига айланишини олдин ҳам айтгандим. Биз ҳозир “А” сериада биринчи ўринни эгаллаб, буни амалга оширишимиз мумкин.
“Нерадзурилар”да яхши футболчилар жамланган. Лекин биз янада кучли бўлишни хоҳлаймиз. Январда янги футболчиларни жамоага олиб келамиз.
Пирло? Андреа – буюк футболчи, яхшиси бу ҳақида Роберто Манчинига мурожат қилинг. Мен бунга қарши эмасман, - дейди Эрик Тохир.
