“Реал” афсонаси Маноло Санчис эртага бўлиб ўтадиган класико олдидан ўз фикрлари билан ўртоқлашди.

“Олдиндан бир нарса дейиш қийин. “Реал” ҳозир “Барселона”дан яхши ўйин намойиш қилаяпти, аммо мағлубият жамоага қаттиқ таъсир қилиши мумкин.

Каземиро? У бу каби ўйинларда иштирок этиш учун етарлича тажрибага эга. Мен Каземиро ва яна учта хавбек ҳамда иккита ҳужумчини майдонга туширган бўлардим. Рафаэль Бенитеснинг келажаги ушбу баҳсда қайд этиладиган натижага боғлиқ эмас.

Мессининг учрашувда иштирок этиш ё этмаслиги ҳақидаги гап-сўзларга келсак, футбол нуқтайи назаридан олиб қараганда у майдонга тушса ажойиб иш бўларди, бироқ “Реал” учун шу куни Леонинг ўйнамагани яхши.

Агар “Реал” ва “Барселона” футболчилари орасидан битта энг яхшисини айтишни сўрашса, айни вақтда бу Неймар деган бўлардим”, – дея Санчис сўзларини келтиради Football Espana га асосланиб Sports.ru.