“Манчестер Юнайтед”да тўп сураётган ҳужумчи Антони Марсиалнинг турмуш ўртоғи ҳозирча Англияга тўлиқ мослашиб улгургани йўқ. Бу ҳақда Eurosport.ru хабар бермоқда.
Саманта Марсиал Инстаграм орқали Антонининг жамоасини қўллаб-қувватлашга қарор қилди. Футболчининг рафиқаси ўз саҳифасига “Эмирейтс” стадиони фотосуратини жойлаштириб, “Манчестер Юнайтед” деб изоҳ қолдирди.
Афтидан Марсиал хоним қизил ранг туфайли “Арсенал” аренаси ва “Олд Траффорд”ни адаштириб юборган кўринади.
Кейинроқ у ўз хабарини ўчириб ташлади, аммо унинг “қовун туширгани” аллақачон интернет бўйлаб тарқалиб кетишга улгурди. Ҳозирда Саманта хонимнинг аккаунти ёпиб қўйилган.
