Cамвел Бабаян қўл остида Ўзбекистон олимпия терма жамоаси биринчи йиғинга киришди.

Январь ойида Қатарда ўтказиладиган Осиё Кубогида иштирок этадиган олимпия терма жамоаси бугундан 2016 йил Рио-де-Жанейрода ўтадиган Олимпиадада иштирок этиш учун йўлланма берадиган мусобақага тайёргарликни бошлади. Тошкентда икки кун шуғулланилгач, 2 декабрь куни йиғинни давом эттириш БААнинг Ажман амирлигига йўл олинади. 2-14 декабрда Ажманда ва 19-28 декабрь кунлари Дубайда йиғин ўтказилади. 2-9 январь кунларига мўлжалланган якуний йиғин ҳам Дубайда ўтиши режалаштирилган. Кейин олимпиячиларимиз Дохага йўл олади ва 13 январда Жанубий Корея олимпия терма жамоасига қарши учрашув билан Осиё Кубогидаги иштирокини бошлайди.

Назорат ўйинларидаги рақиблар ва ўйинлар саналари қуйидагича:

7 декабрь - "Ал Васл" (БАА)

13 декабрь - Япония

20 декабрь - КХДР

23 декабрь - БАА

27 декабрь - Қатар

4 январь - Хитой

6 январь – Иордания

Йиғинга жалб этилган Ўзбекистон олимпия терма жамоаси таркиби қуйидагича:

Дарвозабонлар: Абдумавлон Абдужалилов (“Нефтчи”), Жавоҳир Илёсов (“Машъал”), Алибек Туробов (“Насаф”), Асилбек Омонов (“Пахтакор”)

Ҳимоячилар: Сардор Раҳмонов (“Нефтчи”), Бобур Йўлдошев (“Локомотив”), Максимилиан Фомин (“Бухоро”), Жавлон Мирабдуллаев (“Металлург”), Рустам Ашурматов (“Бунёдкор”), Абдуллоҳ Олимов (“Андижон”), Диёр Туропов (“Олмалиқ”)

Ярим ҳимоячилар: Жавоҳир Соҳибов (“Пахтакор”), Одил Ҳамробеков (“Насаф”), Отабек Шукуров (“Бухоро”), Жавоҳир Расулов (“Нефтчи”), Дониёр Исмоилов (“Олмалиқ”), Аббос Махсталиев (“Нефтчи”), Жамшид Искандеров (“Пахтакор”), Владимир Козак (“Пахтакор”), Жаҳонгир Абдумўминов (“Олмалиқ”), Достон Ҳамдамов (“Бунёдкор”), Жалолиддин Машарипов (“Пахтакор”), Темур Ҳакимов (“Оқтепа”)

Ҳужумчилар: Игорь Сергеев (“Пахтакор”), Элдор Шомуродов (“Бунёдкор”), Жасур Ҳакимов (“Сўғдиёна”), Шоҳназар Норбеков (“Металлург”)

Захира: Муҳсин Убайдуллаев (“Нефтчи”)