Бугун Сеулда Жанубий Корея терма жамоасининг йил якунларига бағишланган матбуот анжуманида терма жамоанинг германиялик бош мураббийи Ули Штилике Осиё Кубоги-2015нинг чорак финалидан ўрин олган Ўзбекистон – Жанубий Корея ўйинини ўтаётган йилнинг энг ҳаяжонлиси деб таърифлади.
“Энди айтсам бўлаверади. Ўша ўйин энг даҳшатли дақиқалар бўлганлигини тан оламан. Битта кичик хато бизни мусобақадан ирғитиб юбориши аниқ эди. Бу ўйин биз эришган ғалабалар ичида энг омадли ва энг ҳаяжонлиси бўлди. Хавотирга ўрин йўқ. Корейс футболининг обрўсини янада оширишда давом этавераман”, - деди Ули Штилике.
Терма жамоанинг 2015йилдаги энг яхши голи дея Ули Штилике Ли Донг Гукнинг Коста-Рика термаси дарвозасига киритган голини эътироф этди.
Тугаб бораётган 2015 йилда Жанубий Корея терма жамоаси немис мутахассиси қўли остида 20 та ўйин ўтказиб, 16 ғалаба, 3 дуранг ва 1 мағлубиятни қайд этди.
Отабeк Йўлдошeв