Голландиялик мутахассис Гус Хиддинк "Челси"да Жозе Моуриньо ўрнини эгаллаш учун Лондонга етиб келганлиги ҳақида ВВС нашри хабар бермоқда. Инглиз ОАВ Хиддинкни Хитроу аэропортига Жума куни етиб келганлигини маълум қилишмоқда.
- Голландиялик мутахассисга жуда қийин аҳволда қолган жамоа қолиб кетди. Моуриньо "чириган олмаларни" Хиддинкка мерос қилиб қолдирди, - дейди ВВС журналисти Гарри Ричардсон.
Унинг бундай дейишига сабаб бор. Сўнгги пайтларда жамоа футболчилари ўртасида муносабатлар яхши эмасди. Машғулотлардан бирида Сеск Фабрегас жамоадошларига нисбатан қўпол ўйнаганлиги кўпчиликда норозилик туғдирган. Мураббийлар штаби уларни доимо ажратишга мажбур бўлган.
Тажрибали Гус Хиддинк "чириган олмалар" билан тил топишадими, йўқми, буни тез орада билиб оламиз.
