Сербиялик ҳимоячи Неманья Видич «Интер» билан ўзаро шартномани бекор қилиш бўйича келишувга эришди. Унинг кетиши икки томоннинг розилиги асосида рўй берган.
Бундан олдин футболчига «Спартак» ва «Милан» жамоаларидан қизиқиш мавжудлиги тўғрисида хабар берилганди. 2014 йилнинг ёзида «Манчестер Юнайтед» сафидан Италияга келган футболчи ўтган мавсумда А сериянинг 23та ўйинида иштирок этиб, битта гол урганди. Жорий мавсумда эса у бирон марта ҳам майдонга туширилмади.