"Барселона" ёзги трансфер ойнаси очилиши олдидан таркибни кучайтириш устида ишламоқда. Transfer News Live нашрининг журналист Алекс Пинтанелга таяниб хабар беришича, “Блауграна” бош мураббийи Хави “Атлетик” клуби вингери Нико Уильямсни асосий трансфер мақсади сифатида белгилаган.
Аввалроқ матбуотда 21 ёшли Уильямсни қўлга киритиш учун "Барселона" Рафиньяни катта пулга сотишни режалаштираётгани ҳақида маълумот пайдо бўлганди.
2023/2024 йилги мавсумда Нико Уильямс “Атлетик” сафида 35 та ўйин ўтказиб, 7 та гол урди ва жамоадошларига 16 та голли узатма берди. Transermarkt портали футболчини 50 миллион еврога баҳоламоқда.
