"Ал-Иттиҳод" Криштиану Роналдунинг рақиб жамоа футболчисига берилган тактик кўрсатмаларни кўришга уринган эпизодига ҳазиломуз муносабат билдирди.
Жидда клуби ва "Ал-Наср" ўртасидаги 2:1 ҳисобида якунланган учрашув охирида Данилу Перейра мураббийлар штабидан кўрсатмалар ёзилган қоғозни олди.
Ҳимоячи ёзувни ўқиётган пайтда Роналду Португалия терма жамоасидаги собиқ жамоадошининг ортидан келиб, қоғозга кўз ташлади. Перейра буни пайқади ва икки футболчи ҳам кулиб юборди.
"Ал-Иттиҳод" ушбу эпизодга "X" ижтимоий тармоғида муносабат билдириб, "Фирибгарлик қилади ва барибир ютқазади!" деб ёзди.
"Ал-Иттиҳод"га қарши ўйинда Роналдунинг қизиқ ҳаракати камераларга тушди (+Видео)
