Қатарда давом этаётган U-23 Осиё чемпионати-2016 турнирида навбатдаги ярим финал иштирокчисига аниқлик киритилди.

Учинчи йўлланмаси учун кечган баҳсда Жанубий Корея олимпия терма жамоаси Иордания термасига қарши майдонга тушди. Учрашувнинг биринчи бўлим 24-дақиқасида кореяликлар аъзоси Ли Чанг Мин жамоадошлари олдинга олиб чиқди ва бу ҳисоб танаффусга қадар ўзгармади.

Иккинчи бўлимда эса ҳар иккала томонда дарвозани ишғол қилиш учун бир қатор имкониятлар пайдо бўлди, бироқ дарвозалар даҳлсизлиги сақланиб қолди. Шундай қилиб, Жанубий Корея минимал ҳисобда зафар қучиб, турнирнинг ярим финал йўлланмасини қўлга киритиш билан бирга Рио Олимпиадасида иштирок этиш ҳуқуқига эга бўлишди.

Энди корейслар финал йўлланмаси учун кечадиган беллашувда мезбон Қатар олимпиячиларига қарши майдонга тушади. Мазкур учрашув 26 январь куни бўлиб ўтади. Бироз ўтиб, сўнгги ярим финал учун бўладиган баҳсда БАА ва Ироқ олимпиячилари кураш олиб боради.

ОЧ-2016 U-23, Қатар
Жанубий Корея - Иордания - 1:0 (1:0, 0:0)
Гол: Ли Чанг Мин 24.