"Барселона" клуби Испания Кубоги финалида ўйнашига шубҳа қилмаяпти.
Эслатиб ўтамиз, каталонияликлар Кубок ярим финалидаги дастлабки ўйинда "Валенсия"ни 7:0 ҳисобида мағлубиятга учратишди ва жавоб ўйини олдидан яхши имкониятга эга бўлиб турибдилар.
Маълумотларга қараганда, "Барселона" Испания Кубоги финалини "Реал"га тегишли "Сантьяго Бернабеу" ўйингоҳида ўтказишни истамоқда. Ўтган йили ҳам каталонияликлар финал баҳсини "Реал" майдонида ўтказиш истагини билдирган, аммо мадридликлар ўйингоҳда таъмирлаш ишлари ўтказилишини сабаб қилиб кўрсатиб, бу таклифни рад этган эди.
Шу сабабли "Барселона" ва "Атлетик" ўртасидаги ўйинни каталонияликлар ўз майдонларида ўтказганлар ва 3:1 ҳисобида ғалабага эришганлар.
