Осиё чемпионлар лигаси саралаш босқичи доирасида "Бунёдкор" ва "Аш-Шабоб" жамоалари ўртасидаги ўйиндан кейин дубайликларнинг ўзбекистонлик ярим ҳимоячиси Азиз Ҳайдаров ўз фикрларини билдириб ўтди.

"Бугунги учрашувда "Бунёдуор" фаворит ҳисобланарди. Биз қўлдан келганча ҳаракат қилдик. Биринчи дақиқада ўтказиб юборилган гол бизга руҳий жиҳатдан таъсир қилди. Умуман олганда, "Аш-Шабоб" ҳозирги пайтда ўз бошидан қийин даврни ўтказмоқда.

"Бунёдкор" ғалаба қозонганидан хурсандман. Ўз жамоа мағлубиятидан эса хафаман. Бугун мухлисларбоп ўйин бўлди. Бугунги ўйин мухлисларга байрамона кайфият улашди. Ўзбекистонлик мухлислар учун хурсандман.

"Бунёдкор" ҳамжиҳатлик билан ўйнагани учун ва бугун учрашувга мукаммал тайёргарлик кўргани боис ғалабани қўлга киритди деб ўйлайман", - деди Ҳайдаров.