“Локомотив” футболчилари янги мавсумга пухта ҳозирлик кўриш учун январь ойидан буён машғулотларга зўр беришди. Бу вақт оралиғида улар Дубайда ташкил этилган иккита ҳориж йиғинида иштирок этишди.
Иккинчи йиғиндан қайтиб келган клуб аъзолари “Ал-Иттиход”га қарши жиддий беллашув қаршисида туришибди. Ҳал қилувчи тайёргарлик олдидан мураббийлар штаби футболчиларга ҳордиқ чиқариш ҳамда бўш вақтларини оила-аъзолари даврасида ўтказиш учун шароит яратиб беришга қарор қилишди. Шу боисдан ҳам улар учун уч кунлик таътил эълон қилинди.
Шундан келиб чиққан ҳолда, янги футболчиларни таништирув маросими ҳамда мухлислар учун очиқ эшиклар кунини аввал хабар қилинганидек 18 февраль куни эмас, балки 20 февраль – шанба кунида ўтказишга қарор қилдик. ОАВ вакиллари учун таништирув маросими 11:00 да бошланса, 11:30 дан бошлаб мухлислар стадионга киритилади. Улар футболчилар билан учрашиш, “Локомотив” стадионида сайр қилиш имкониятига эга бўлишади.
“Локомотив” клуби вақт масаласидаги ўзгариш учун ОАВ ҳодимлари ҳамда футбол мухлисларидан узр сўрайди. Умид қиламизки, бу яхшилик учун хизмат қилиб, жамоамиз мавсумдаги биринчи учрашувни ёруғ юз билан якунлайди.
