Пойтахтимизда бўлиб ўтаётган футзал бўйича Осиё чемпионати баҳсларида бугун ғолиб номи аниқланади.
Финалда Ўзбекистон ва Эрон терма жамоалари ўзаро баҳс олиб боришади. Айни пайтда эса 3-ўрин учун учрашув бўлиб ўтмоқда. Ярим финалда мағлуб бўлган икки терма жамоалар — Таиланд ҳамда Вьетнам бронза медаллари учун кураш олиб боришмоқда.
Таъкидлаш жоиз, “Ўзбекистон” спорт мажмуасига мазкур ўйинни томоша қилиш учун кўп сонли ишқибозлар ташриф буюришган. Улар орасида футзал терма жамоамиз аъзоларининг қариндошлари ҳам бор. Термамиз посбони Рустам Умаровнинг дадаси Малик ака Умаровҳам ўйинни бевосита стадионнинг ўзидан кузатмоқда. У киши ҳам ҳамюртларимизнинг бугунги матчда ғалаба қознишларини истаётганликларини таъкидлади.
