Бироз олдин хабар берганимиздек, пойтахтимиз мезбонлик қилаётган футзал бўйича Осиё чемпионати баҳсларида 3-ўрин учун ўйин бўлиб ўтди.
Унда Таиланд термаси Вьетнам билан бронза медаллари учун кураш олиб борди. Якунда Таиланд термаси бронза медалларига эаг чиқди.
Учрашув якунлангач ҳар икки терма устозлари иштирокида матбуот анжумни ташкил этилди. Унинг иккинчи қисмида Таиланд бош мураббийи Виктор Херманс журналистларнинг саволларига жавоб қайтарди.
- Бугунги ўйин ажойиб руҳда ўтди. Ҳар икки жамоа ҳам яхши ўйин кўрсатишга уринди. Биз босимни рақиб дарвозаси яқинида ушлашга ҳаракат қилдик. Бу эса якунда наф берди. Таркибимизда Супҳавут ва Жетсада каби ўйинчилар ажойиб ўйин намойиш этишди. Уларнинг ўйинидан кўнглим тўлди. Жетсада Чудеч жаҳоннинг энг кучли лигаларида ҳам ўзини йўоқотиб қўймаган бўларди.
Нега тез-тез футзалчиларни алмаштириб тураман? Чунки мен бизда тенг кучли иккита таркиб бўлишини истайман.
Ҳакамлик борасида эса бир нарсани айтмоқчи эдим. Бугунги ҳакам Ўзбекистонга қарши ўйиндагидан кўра яхшироқ ишлади. Биз мезбон терма билан ўйинда мағлубиятга лойиқ эмас эдик. Бир ҳакамнинг бир нечта учрашувда ишлайвериши яхши эмас.
Аммо финалга чиқмаганимиз бир жиҳатдан яхши ҳам бўлди. Боиси Эроннинг кучини кўрдик. Биз уйга йирик ҳисобдаги мағлубият билан эмас, балки йирик ҳисобдаги ғалаба билан қайтмоқдамиз, - дейди тажрибали мураббий.
