Бугун Наманганда катта футбол байрами!

Узоқ кутилган янги мавсум старт олди ва бугун севимли жамоамиз биз мухлислар қаршисида пойтахтнинг "Локомотив" жамоаси билан кураш олиб боради. Албатта, Рашид Ғофуров ва дружинасидан албатта ғалаба кутилади. Умид қиламизки, бугун "лочинлар" мавсумни ғалаба билан бошлаб барча-барчани хушнуд этади.

Ўтган мавсумнинг сўнгги турида айнан шу жамоалар Наманганда беллашганди. Ўшанда Мўйдин Мамазулумовнинг сўнгги сониялардаги голи "Локо"га уч очкони тақдим қилганди. Ҳозир эса Мамазулумов "Навбаҳор"да. Бугун ҳам Мўйдиндан ўша сценарийни такрорлашини сўраб қолардик.

Кеча жамоамизнинг ҳужумчилар мураббийи саналган Шуҳрат Мирҳолдиршоев 34 ёшга тўлди. Биз собиқ форвардни табриклаган ҳолда, унинг шогирдларидан голлар кутиб қоламиз. Ҳужумчиларимиз голлар киритиб, кечаги байрамни бугун ҳам давом эттиришади, деб ўйлаймиз!

Сайтимизнинг чустлик аъзоси Шокиржон Ёдгоров (Ник: "Чуст-Пахтакор")нинг кеча битилган қуйидаги мисраларини эътиборингизга ҳавола қиламиз:

Насиб қилса эрта наҳори,
Бизга келар футбол баҳори.
Сенга омад берсин Худоим,
Наманганганим зўр "Навбаҳор"и.
Яна ҳамма чопар ўйинга,
Қойил деймиз Чойнинг бўйига,
Бош бўлади барча фанатлар,
Куйлаб берар ҳар бир тўйингга.
Ўйна давринг келди "Навбахор",
Ўйнаб тўйма, ўйнагин шунқор!