Матбуот анжуманининг иккинчи қисмида мезбонлар устози Игор Стимач (хорватиялик мураббий) ва “Сепаҳон” футболчиси Али Каримий иштирок этишди.

И.Стимач: – Эртага бизни жуда муҳим баҳс кутиб турибди. “Локомотив” яхши шаклланган жамоа, уларни кичик Ўзбекистон терма жамоаси деса ҳам бўлади. Бизга осон бўлмаслиги аниқ, лекин ютишга ҳаракат қиламиз.

А.Каримий: – Биз бу ўйинга жиддий ҳозирлик кўрдик. Ўз майдонимизда худди “Ан-Наср”ни ютганимиз каби “Локомотив”ни ҳам мағлуб этмоқчимиз. Рақиб сафида кучли футболчилар кўп, бирини ажратиш керак бўлса, 18-рақамдаги Тимур Кападзени кўрсатган бўлардим.

– Рақибни қанчалик ўргандингиз?
И.Стимач: – Биз уларнинг ОЧЛдаги аввалги иккита ўйинини кўриб чиқдик. “Локомотив” яхши ҳаракат қилди дея оламан. Қолаверса, Ўзбекистонда ички чемпионат яқинда бошланганини ҳам биламиз.

– Гуруҳда қизиқарли вазият юзага келган, иккита жамоада уч, яна иккитасида икки очко бор. Шунингдек, барча клубларда тўплар нисбати бир хил 2-2. Бу борада нима дея оласиз?
И.Стимач: – Мен математик эмасман. Мени фақат эртанги ўйин ўйлантирмоқда, бошқаси билан қизиқаётганим йўқ.