Истоминдан ажойиб “камбэк”, эндиги рақиб

Мамлакатимизнинг биринчи ракеткаси Денис Истомин АҚШнинг Майами шаҳрида давом этаётган “Мастерс” сериясига кирувчи, соврин жамғармаси 7 миллион 37 минг 595 доллардан иборат нуфузли турнирдаги иштирокини ғалаба билан бошлади.

Ҳамюртимиз илк даврада хорватиялик Борна Чоричга қарши кортга чиқди. Денис биринчи сетни 4:6 ҳисобида бой берди. Иккинчи сет ҳам худди шу ҳисобда якунига етиб бораётган бир пайтда Истомин ажойиб “камбэк”ни амалга оширди.

Кўпчилик Чоричнинг ғалабасини кутаётган бир паллада ҳамюртимиз сетни 7:5 ҳисобида ўз фойдасига ҳал қилди. Ҳал қилувчи сетда ҳам рақибининг битта геймини ютиб олган Денис яна 7:5 ҳисобидаги ғалабага эришди. Учрашув 2 соату 45 дақиқа давом этди.

Ҳар икки теннисчи 4тадан “эйс” зарбани амалга оширишди. Икки теннисчи ўртасидаги учрашувлар ҳисоби 1:1га етди. Энди Истомин иккинчи босқичда британиялик Энди Маррейга қарши кортга чиқади. Дунёнинг иккинчи ракеткаси бўлган Маррей ўз иштирокини тўғридан-тўғри иккинчи даврадан бошлайди.

Таққослаш учун, Денис Истомин дунё рейтингида 76, 20 ёшли Чорич 46, Маррей эса 2-ўринни эгаллаб турибди. Майами турнири ғолиби бир миллион 28 минг 300 доллар мукофот пули ҳамда 1000 рейтинг очкосига эга бўлади.

Тизимга кириш
Эл. почта:
Пароль:
	Эсда сақлаш

регистрация \| паролни тиклаш

29/12 00:45	Аталанта	0-1	Интер
30/12 00:45	Рома	3-1	Женоа
31/12 00:30	Бёрнли	-	Ньюкасл
31/12 00:30	Челси	-	Борнмут
31/12 00:30	Ноттингем Форест	-	Эвертон
31/12 00:30	Вест Хэм	-	Брайтон
31/12 01:15	Арсенал	-	Астон Вилла
31/12 01:15	Ман. Юнайтед	-	Вулверхэмптон

Истоминдан ажойиб “камбэк”, эндиги рақиб – Маррей!

ЭНГ КЎП ЎҚИЛГАН ЯНГИЛИКЛАР