Осиё Чемпионлар Лигаси “Е” гуруҳи 4-тур ўйинлари доирасидаги Вьетнамнинг “Биньзионг” ҳамда Жанубий Кореянинг “Жонбук Моторс” жамоалари ўртасидаги учрашувни ўзбекистонлик комиссар бошқариб боради.
Шу йилнинг 6 апрель санасида Вьетнамнинг Биньзионг шаҳрида бўлиб ўтадиган мазкур учрашувга ОФК томонидан комиссар сифатида ўзбекистонлик Олим Арифов тайинланди.
Қайд этиш керакки, ушбу ўйинни Қирғизистонлик ҳакамлар бригадаси бошқариб боради. Бош ҳакам – Дмитрий Машенцев. Унга қанотларда Баҳодир Қўчқоров, Исмоилжон Толибжонов ёрдам беради. Тўртинчи ҳакам – Тимур Файзулин.
Маълумот учун, ўзбекистонлик ОФК комиссари Олим Арифов айни вақтда ФИФА тасарруфидаги мусобақаларда ҳам комиссарлик вазифасини бажариб келмоқда.
