Швейцария полицияси УЕФАнинг собиқ бош котиби, ФИФАнинг ҳозирги президенти Жанни Инфантинонинг Панамадаги офшорлар билан боғлиқ ишларга алоқадорлигига гумон қилиб, ташкилот офисида тинтув ўтказди.
Аввалроқ УЕФА ЕЧЛнинг Жанубий Америкадаги телетрансляциялар ҳуқуқини Хьюго ва Мариано Жинкисга сотгани аниқ бўлганди. Улар эса Америка прокуратураси томонидан футбол раҳбарларига пора берганликда ва таъмагирлик қилганликда айбланишганди.
УЕФА раҳбар шахслар ва маркетинг ҳамкорлар томонидан қонунбузарликка йўл қўйилганлиги ҳақидаги маълумотни инкор қилмоқда.
Тинтув пайтида полиция УЕФА офисидан ташкилотнинг ҳамкорлари билан шартномаларни олиб чиқиб кетган.
УЕФА тинтув ўтказилгани ҳақидаги хабарни тасдиқлади ва бу иш бўйича полиция билан ҳамкорлик қилишга тайёр.